ಎಲ್ಲರಿಗೂ ದೀಪಾವಳಿ ಹಬ್ಬದ ಶುಭಾಶಯಗಳು .
ಈ ಹಬ್ಬ ಬಂದಾಗ ,ನನ್ನ ಮನಸು ಇಪ್ಪತ್ತು ವರಷ್ ಹಿಂದೆ ಓಡುತ್ತದೆ !! ನಮ್ಮ ದೊಡ್ಡಮ್ಮ ಪಕ್ಕದ ಗ್ರಾಮದಲ್ಲಿ ಇದ್ದುದರಿಂದ ನಾವು ಹಬ್ಬಕ್ಕೆ ಅಲ್ಲಿ ಓಡುತ್ತಿದೆವು . ನಮ್ಮ ದೊಡ್ಡಮ್ಮ ನರಕ ಚತುರ್ದಶಿಯ ಹಿಂದಿನ ದಿನ ನೀರಿನ ಒಲೆಗೆ " ಗಂಗಾ ಭಾಗೀರತಿ " ಎಂದು ಬರೆದು ,ಅದಕ್ಕೆ ಕೆಂಪು ಬಣ್ಣದ ಒಪ್ಪ ಮಾಡುತ್ತಿದರು . ಮರುದಿನ ಬೇಗನೆ ಎಬ್ಬಿಸಿ ನಮಗೆಲ್ಲ ಅಭ್ಯಂಜನ ಸ್ನಾನ !! ಮದ್ಯಾನದ ಊಟ ರಸಗವಳ. ಹಾಗೆ ಕಣ್ಣು ಮುಚ್ಚಿದರೆ ಮಾಯಾ ನಿದ್ರೆ !!
ಮೂರನೇ ದಿನ ಬಲಿ ಪಾಡ್ಯ,ದೊಡ್ಡಮ್ಮ ಅಂಗಳ ದೊಲ್ಲೊಂದು ದಂಟಿನ ಮಂಟಪ ಮಾಡಿ ,ಇದು ಪಾಂಡವರ ಮಂಟಪ ಎನ್ನುತಿದ್ದರು , ನಾನು ಮತ್ತೆ ಅಣ್ಣ ಸೇರಿ ಸೆಗಣಿಯ ಹಟ್ಟಿಯನ್ನು ಮನೆಯ ಎಲ್ಲ ಬಾಗಿಲಿಗಳಿಗು ಇಡುತ್ತ ಬರುತ್ತಿದೆವು . ಅದಕ್ಕೆ ಚೆಂಡು ಹೂವು ಮತ್ತೆ ದರ್ಬೆಯ ಅಲಂಕಾರ ಬೇರೆ . ಆಹಾ ಮನೆಯಲ್ಲ ಅದೇನೋ ಸಂಬ್ರಮ . ರಾತ್ರಿಯದ ಮೇಲೆ ಊರೆಲ್ಲ ಪಂಜಿನ ಸಂಬ್ರಮ . ಈಗಿನ ಪಟಾಕಿ ಭರಾಟೆ ಆಗ ಇರಲ್ಲಿಲ್ಲ .ಒಟ್ಟಿನಲ್ಲಿ ಆ ಊರಿನಲ್ಲಿ ಮೂರು ದಿನ ಕಳೆದದ್ದು ಗೊತ್ತೇ ಆಗುತ್ತಿರಲಿಲ್ಲ .
ಈಗ ದೊಡ್ಡಮ್ಮ ಪಟ್ಟಣ ಸೇರಿದ್ದಾರೆ ...ಆ ಉತ್ಸಾಹ ಈಗ ಅಲ್ಲಿ ಇಲ್ಲ ...ಗತ ದಿನಗಳನ್ನ ನೆನೆದರೆ ಕಣ್ಣು ಮಂಜಾಗುತ್ತದೆ .

ಕಾಣದ ಹೂವು

ಕಾಣದ ಹೂವಿನ
ಕಾಡುವ ಪರಿಮಳ
ಮನಸನು ಕೆಡಿಸಿತ್ತು
ಎಲ್ಲಿಯೂ ಕಾಣದೆ ಕಂಗೆಟ್ಟಾಗ
ಹೃದಯವು ನಕ್ಕಿತ್ತು

ನಿನ್ನ ನೆನಪು

ಕತ್ತರಿಸಿದ ಹುಲ್ಲಿನಂತೆ ,
ಕಿತ್ತು ಹಾಕಿದರೂ ಬೆಳೆಯುತ್ತದೆ
ಮುಂಗಾರು ಮಳೆಗೆ
ಸದಾ ಹಸಿರಾಗಿರಲು

ಕುಡಿತ ಕಾಡದಿರಲಿ

ಸ್ನೇಹಿತರೆ ....
ನೆನ್ನೆ ನೋಡಿದ ಈ ಘಟನೆ ನನ್ನನ್ನ ಮೂಕವಾಗಿಸಿತು .ಗಾರೆ ಕೆಲಸದವನ್ನೊಬ್ಬ ಕುಡಿದ ಅಮಲಿನಲ್ಲಿ ಅವನ ಹೆಂಡತಿ ಯನ್ನ ಮನಸೋ ಇಚ್ಚೆ ಥಳಿಸುವದನ್ನ್ ನೋಡಿದೆ . ಅ ತಾಯಿಯ ಮೂರು ಕಂದಮ್ಮ ಗಳು ಅವನ ಅಪ್ಪನಿಗೆ ಅಡ್ಡ ಬರುತ್ತಿದ್ದರು .
ಕುಡಿತ ನಮ್ಮ ಹವ್ಯಾಸ, ಅದು ಮಿತಿಯಲ್ಲಿರಲಿ ...ನಮ್ಮನ್ನೇ ನಂಬಿದ ಮಡದಿಯ ಬಾಳು ಹಾಳಾಗುವುದು ಬೇಡ ..ಇಂತ ಘಟನೆಗಳು ಅ ಮಕ್ಕಳ ಮೇಲೆ ಗಹನವಾದ ಪ್ರಭಾವ ಬೀರಿ ಅವರ ಬಾಲ್ಯವನ್ನೇ ಹಾಳು ಮಾಡುತ್ತವೆ .

ಗಂಡ ಹೆಂಡಿರ ಜಗಳ ಮಕ್ಕಳು ಮಲಗಿದ ಮೇಲಾಗಲಿ ...

ಕಾಡುವ ಮಹಲು

ಹೀಗೊಂದು ಗಳಿಘೆ ಅಂದು ದಿಲ್ಲಿಗೆ ಹಾರುತ್ತೇನೆ ಅಂದುಕೊಂಡಿರಲಿಲ್ಲ ,ಕೆಲವೇ ದಿನದ ಹಿಂದೆ ಅಂದುಕೊಂಡಿದ್ದು ಕೈಗೂಡಿತ್ತು .ಅಂದು ಶುಕ್ರವಾರ ಆದಿತ್ಯ ನಾಳೆ ನಿನಗೊಂದು ಉಡುಗೊರೆ ಕಾದಿದೆ ೮ ಗಂಟೆಗೆ ಸಿಗು ಅಂತ ಹೇಳಿದ್ದ .ಅವನ ಆತಿಥ್ಯ ,ಅಕ್ಕರೆ ನನಗೆ ಮತ್ತೆ ಬರದ ಹಗೆ ಮಾಡಿತ್ತು .ಸರಿಯಾಗಿ ೮ ಗಂಟೆಗೆ ನಾನು ನೊಯಿಡಾ ಗೆ ಮೆಟ್ರೋ ದಲ್ಲಿ ಬಂದಿಳಿದೆ . ಅಲ್ಲಿಂದ ಹೋರಾಟ ಪ್ರಯಾಣ ೨ ಗಂಟೆ ಯಾದರು ಮುಗಿಯಲಿಲ್ಲ .ನನ್ನ ಅನುಮಾನ ಬಲವಾಗುತ್ತಾ ಹೋಯಿತು ಹಾಗೆ ಅದು ನಿಜನು ಆಯಿತು .ಅವನ ಕಾರು ಆಗ್ರಾ ಪಟ್ಟಣದ ಒಳಗೆ ಪ್ರವೇಶ ಮಾಡಿತ್ತು . ಅಬ್ಬ ೩ ಕಿಮಿ ದೂರದಿಂದಲೂ ಅದೇನು ಮನಮೋಹಕ ದೃಶ್ಯ ...ನಾನು ಒಂದು ಕ್ಷಣ ಮೂಕನಾದೆ .(ನನ್ನ ಭಾವಿ ಪತ್ನಿಯನ್ನು ಬಿಟ್ಟು ಬಂದೆನ್ನಲ್ಲ ಎಂದು ಮಮ್ಮಲ ಮರುಗಿದೆ !!) .

ಅ ಮಹಲನ್ನು ನೋಡುವುದೇ ಒಂದು ಕಣ್ಣಿಗೆ ಹಬ್ಬ ...ಅ ಪ್ರೀತಿಯ ಕಾಣಿಕೆಯನ್ನು ಪಡೆದ ಮುಮ್ತಾಜ ನಿಜಕ್ಕೂ ಧನ್ಯಳು . ಅ ಮಹಲನ್ನು ಎಷ್ಟು ನೋಡಿದರು ಮನದನಿಯಲ್ಲಿಲ್ಲ .ಗಂಟೆ ೩ ಆದರು ಹೊಟ್ಟೆ ಹಠ ಮಾಡಲಿಲ್ಲ .ಮನಸು ಪಟ್ಟ ಖುಷಿಗೆ ಅದಕ್ಕೆ ಹಸಿವೆ ಮರೆತು ಹೋಗಿತ್ತು .

ಆದಿತ್ಯ ಅಲ್ಲಿಯ ಎಲ್ಲ ಜಾಗಗಳಲ್ಲೂ ನಿಲ್ಲಿಸಿ ನನ್ನ ಚಿತ್ರಗಳನು ಸೆರೆ ಹಿಡಿದ .ಅವನ ಅ ಕಾಣಿಕೆ ಅಮೂಲ್ಯ ವಾಗಿತ್ತು .ನನ್ನ ಆನಂದವನ್ನು ನೋಡಿ ಅವನಿಗೆ ತುಂಬಾ ಸಂತೋಷ ಆಯಿತು .

ನನ್ನವಳಿಗೆ ಮಾತು ಕೊಟ್ಟಿದ್ದೇನೆ ...ಮುಂದಿನ ಭೇಟಿ ಅವಳೊಡನೆ ಮಾತ್ರ ...ಹಾಗೆ ಅ ಅಮರ ಪ್ರೇಮಿಗೆ ನನ್ನ ಪ್ರೇಮಿಯ ಜೊತೆ ಒಂದು ನಮನದೊಡನೆ.

ಕೊನೆ ಉಸಿರು

ಸಾಯದಿರು ದೇಹವೇ ನಿನ್ನ ಸ್ನೇಹಿತರ ಕಾಣದೆ
ನೆನಪಿರಲಿ ನೀನು ಬದುಕ್ಕಿದ್ದೇ ಅವರ ಪ್ರೀತಿಯ ಸಿಂಚನದಿಂದ

ಸಖಿ

ಬೇಯುತಿದೆ ಈ ಹೃದಯ ..ನಿನ್ನ ಅಗಲಿಕೆಯ ನೆನೆದು
ಆದರೆ ನಿನ್ನ ಪ್ರೀತಿಯ ಸಿಂಚನ, ಬೆಚ್ಚನೆಯ ಅಪ್ಪುಗೆ ,ಅ ಸಿಹಿ ಮುತ್ತು ..ಸುಮಧುರ ನೆನಪುಗಳು
ಕೊಡುತಿದೆ ಈ ಹೃದಯಕ್ಕೆ ಮದ್ದು ...
ಸಖಿ ಮರೆಯದಿರು ನನ್ನ ...ನಿಲ್ಲಿಸದಿರು ಎನ್ನ ಹೃದಯದ ಬಡಿತವನ್ನ ..